Home » Cover Story » ஒரு சாதனையாளரை சந்தித்தபோது…

 
ஒரு சாதனையாளரை சந்தித்தபோது…


கந்தசாமி இல.செ
Author:

இதோ ஒரு இளைஞர். உழைப்பால் உயர்ந்தவர் தான் உழைத்து சம்பாதித்ததில் பணத்தில் தொழிலுக்கு உதவியாக, புதிய ஸ்கூட்டர் வாங்கியுள்ளதை என்னிடம் மகிழ்வோடு கொண்டு வந்து காட்டிச் சென்றார்.

அவர் ஒரு இளம் விவசாயி. விவசாயத்தோடு வேறு ஒரு தொழில் செய்ய வேண்டும், என்று நினைத்தவர். இரண்டு மூன்று ஆண்டுகள் முயன்றும் எதுவும் பிடிபடவில்லை. இப்பொழுதும் பால் விற்பனையில் ஈடுபட்டு கடந்த இரண்டு ஆண்டுகளில் 720 நாட்களிலும் காலையும் மாலையும் மழையானாலும் கூட பால் கறப்பதை, உரிய நேரத்தில் விற்பனைக்கு எடுத்துச்செல்வதை இதுவரை தவறியதில்லை என்று பெருமையோடு கூறினார்.

நேர்மை

பள்ளிப் படிப்பை முடித்த அவர் தானும் வளர வேண்டும். இந்தச் சமுதாயத்திற்கும் நம்மாலான உதவியினைச் செய்ய வேண்டும் என்ற உணர்வு உடையவர்.

முதலில் 20 லிட்டரில் தொடங்கி இன்று ஒரு நாளைக்கு 130 லிட்டர் என்ற அளவில் தானே ஒரு ஆள் வைத்து கறந்து விறபனை செய்கிறார். தொழிலில் நாணயம் நியாயமான விலை – வாடிக்காயளரிடம் பழகும் முறை – பால் கறக்கும் இடத்தில் – கறவையின் சொந்தக்காரர்களிடம் நடந்து கொள்கின்ற முறை – உரிய நேரத்தில் விற்பனை – சுத்தம் – இவைகளே தன் வளர்ச்சிக்கு வழிகோலியதாகக் கூறுகிறார்.

ஆராய்ச்சி

இந்தப் பகுதி மக்கள் எந்தப் பாலை அதிகம் விரும்புகிறார்கள்? (மாடு எருமை, குளிர்பதனப்பால்) இங்கு எத்தனை டீக்கடைகள இருக்கின்றன? எவ்வளவு குடும்பங்கள் இருக்கின்றன? இந்தப் பகுதிக்கு எவ்வளவு பால் தேப்பபடும்? எத்தனை பால்கார்ர்கள் இருக்கின்றார்கள்? தொழிலை விரிவுபடுத்த முடியுமா? பால்காரர்களில் சிலர் நொடிந்து போகிறார்களே ஏன்? என்றெல்லாம் சிந்தித்து குறைவராமல் செயல்படுவதாகவும் கூறினார். இந்த அணுகுமுறை ஒவ்வொரு தொழிலுக்கும் தேவை என்று தன் அனுபவத்தையும் கூறினார்.

அதேபோல் கறவைகள் வளர்ப்பு, தீவனம், நோய் வந்தால் தேவையான மருந்து – பாதுகாப்பு கால்நடை மருத்துவர்களின் பழக்கம் ஆகியவற்றிலும் கவனம் செலுத்துகிறார்.

தொழிலில் வெற்றி பெற…

ஒரு தொழில் வெற்றிபெற வேண்டுமானால் அந்த தொழிலைப் பற்றியும் முழுமையான விவரங்களும் அறிந்திருக்க வேண்டும். தொழிலில் ஈடுபாட்டோடும், பொறுமையோடும் செயல்படவேண்டும். இவ்விரு கருத்துக்களும் அவரது அனுபவ மொழியாக வெளிவந்தன. இந்த இரண்டு கருத்துகளும் அனுபவம் தந்த செல்வமாகும். இந்த அறிவுச்செல்வத்தை இன்றைக்கு இளைஞர்கள் முதலீடாக பயன்படுத்தி வெற்றி காண்பீர்களாக.

-சிறப்பாசிரியர்.


Share
 

No comments

Be the first one to leave a comment.

Post a Comment


 

 


December 1989

நம்பிக்கை…
கவிதைகள்
சிந்தனைத்துளி
வெள்ளைப் புறாக்களே!
இனிய நண்பர்களே! வணக்கம்.
புதிய அரசை வரவேற்போம்
நிரந்தர வெற்றிக்கு….
நமக்கு வந்த கடிதங்கள்
ஒரு சாதனையாளரை சந்தித்தபோது…
தோழா உனக்கென்ன..!